大学读书同中学有咩唔同？
DSE攻略好多人都有讲，但就好少人讲大学攻略，今日就同大家分享我大学时期慨读书心得。以我为例，其实我读书并唔叻，细细个因为唔识点样去读书，所以嗰时我系完全唔钟意读书，中小学慨时候成绩一直都唔好。直到读大学我先开窍，先知道应该点样去读书。同埋我系懒得就懒嗰种人，对我呢啲懒人而言，喺香港填鸭式教育慨环境下，温书系一件极苦恼慨事，因为好多时都要死记好多嘢入脑，系好辛苦。之但系我喺大学时都获得唔错慨成绩，所以今日我就同大家讲下四年大学生涯里面我系点样读书。
上到大学都需要努力争取好成绩
1. 读书时读书
首先，读书时读书，要尽量上齐所有堂。我读嗰科喺工作量方面可以话系数一数二慨多，我慨时间表系可以每日都有堂，有啲日子甚至有三、四堂要上，所以课后剩返慨时间已经唔多。喺咁紧凑慨时间表下我都有返part-time同参加活动，有时都觉得几辛苦，即使系咁我都坚持上齐所有堂。
有人话︰「喺大学唔够时间用咪走堂啰，将时间放喺其他事仲好啦。」我系十分唔认同呢句说话，因为我会将上堂放喺第一位，再喺课余时间做自己钟意慨事，绝对唔会走堂去返part-time或者去玩。我觉得上堂系必须慨，冇听过书自己睇notes一定唔明，有咩唔明仲可以即时问，问到明为止。
又有人会攞上堂时间嚟瞓觉，我就会谂：与其喺上堂嗰阵瞓觉，临考试先至通宵温书，到头来自己理解返同去问人点做慨时间仲耐，咁点解一开始唔认真上堂，你只需要专心上三个钟堂，何乐而不为呢？
2. 最后一堂一定要上
上齐所有堂是十分重要的
假设你真系有其他原因，真系上唔足所有堂，都务必要上最后一堂，即week 13慨总结课堂，因为嗰堂里面Lecturer所讲慨绝大部分都系会同考试有关。我慨经验就系：喺嗰一堂Lecturer会俾最多贴士大家，又会同大家讲温书慨时候有咩重点要留意。你会大概知道啲assignment同past paper慨答案系出自lecture notes边一个部分，温书嗰阵就可以行少啲冤枉路，考试慨时候就唔会有咩大问题难到你，因为Lecturer可以出慨题型其实来来去去都差唔多。
3. 做Past Paper
除咗上足堂，我会话操paper都系必须慨。唔好以为做past paper呢件事剩系适用喺DSE，其实喺大学都系同样慨重要。如果嗰一科有past paper可以俾大家操慨话，请大家少少地做一年又好，两年又好，点都要做一做。因为每一年Exam慨题型其实都系差唔多，无论Lecturer点样出题，点样调整难度，考慨内容都系嗰份Lecture notes，可以问慨问题同past paper都唔会相差太远。所以past paper一定要做，卷系一定要冲！大学仲要有好多地方可以畀你去搵返以前慨past paper，请记得一定要揾嚟做！
4. 抄Notes
上堂抄notes都好重要
至于点样可以确保你做past paper慨时候可以去搵到个答案呢？答案就系抄notes。上堂除咗要专心之外，最重要就系抄notes。即使当刻唔明渠讲咩，识又好唔识又好，都要将重点全部抄低。而且我会用唔同颜色笔去抄低，睇起上嚟会精神好多，唔会睇落份notes系清一色沉闷慨字海，对于我嚟讲会吸引好多，令我愿意去睇。
总结
其实备课啊、去图书馆借书啊、或者借录影睇等等我喺大学时期系一次都冇做过，至于借学术书做参考更加系未试过。我问过其他读书叻慨朋友，渠哋都觉得呢啲系冇必要，只需要简简单单专心上堂、操下Paper就够。我有时真系唔太理解，有时Professor上堂慨时候系直程讲埋个答案畀你听，但你都系选择上堂瞓觉，咁你出现喺课室入面又有咩意义呢？呃自己，觉得自己真系有上堂？所以大家千祈唔好浪费上堂时间，要瞓就好似我咁落堂返屋企瞓到够。
最后奉劝大家，一定要专心上堂。记住上面提到慨几个要点，希望大家毕业慨时候都会满意自己慨成绩。
