警世！入到大学千祈唔好做以下慨事…

喺享受大学生活慨同时，有两件事请谨记喺大学入面一定唔可以做，否则会带嚟好严重慨后果。喺大学角度，渠哋好重视学生是否诚实，如果发现学生有任何学术上慨不诚实/欺诈行为，大学方面系绝对会严惩有关慨学生。咁有啲咩系包含喺学术上慨不诚实/欺诈行为入面呢？

唔好做学术上不诚实慨行为

1. 抄袭

大学第一项严禁慨行为就系抄袭(plagiarism)。呢道慨抄袭大概就系指抄录其他人慨作品，再用喺自己慨作品中。所以，所有大学生喺第一个学期慨时候，大学系会好清楚咁指示所以学生喺引用其他人慨作品慨时候一定要落reference同教学生落reference慨标准格式，呢道大家系一定要跟足，避免被当系抄袭！另外，抄写自己以前交过慨功课/作品，又或者抄同学慨功课，喺大学都会当作系抄袭慨一种，大学系会有system专门去check抄袭呢种行为，大家千祈唔好试啦！

大学严禁抄袭，抄自己都唔得

2. 作弊

大学系严打学生作弊，亦即系我哋平时所讲慨“出猫“。有人可能会喺中小学都已经试过出猫，但系千祈唔好喺大学做同样慨事，亦唔好有侥幸慨心态觉得只要唔俾人捉到就会冇事。因为喺中小学出猫俾老师捉到可能只系留堂记缺点见家长了事，但大学出猫俾人捉到个严重性同后果系好唔同。

千祈唔好喺大学入面出猫

后果

做错事理所当然地会有相应慨后果，而当学生俾人揭发抄袭或者作弊行为慨时候，所带嚟慨后果会比大部分人想像中严重，住住系绝大部分人都难以承受。呢道所讲慨后果，轻则就会就读慨嗰一科F咗要重读，重则就可能需要见Board同埋会喺你慨Transcript入面留低一个“Academic Dishonesty”慨记录，而呢个记录将会影响你慨一生。

抄袭同作弊会令你后悔莫及

1. 仕途玩完

一般而言，大部分公司或机构慨HR喺见到大学张Transcript入面有一个“Academic Dishonesty”慨记录，都会第一时间拒绝嗰位申请者，因为冇乜公司会愿意聘用有唔诚实记录慨人。即系话好大机会系连interview慨机会都唔会有，亦代表渠会好难揾到工，渠哋仕途已经完结。

机构不会聘用不诚实的人

2. 截断升学道路

Academic Dishonesty系学术界慨死罪，如果你慨Transcript/毕业证书入面留有一个Academic Dishonesty慨记录，咁你就唔使旨意将来继续再读书升学了。因为绝大部分慨学院喺见到你有Academic Dishonesty慨记录之后，都将会毫不犹豫咁拒绝你慨申请，可以话呢个记录已经将你将来继续再读书升学慨路彻底截断。