揾私人補習有咩要留意？

較早前，一名38歳女補習老師涉嫌因為其中一名男學生頑皮，而脫掉該名男童嘅褲繼而打臀及彈下體，該名女補習老師因而被判入獄。喺香港，唔少家長都會為小朋友安排私人補習課堂，而類似事件嘅嚴重性，就引來家長關注私人補習老師嘅操守問題。

私人補習老師操守受到關注

最近疫情稍緩，學校亦即將回復授課，好多家長怕小朋友放假放得太耐，怕學業一時間跟唔上，都開始尋找私人補習老師幫手。但係家長需要明白，世上每個地方每個行業都總會有害群之馬，私人補習行業亦都唔例外。如果唔好彩請到有操守問題嘅老師，金錢損失或者教學成效低都係小事，假若對小朋友心靈造成無可挽回嘅損傷咁就真係幾多錢都挽救唔到喇！

唔好俾害群之馬影響到

唔想請到有問題嘅老師可以點做？GETUTOR香港導師總會就同各位家長講一講聘用私人補習老師嘅時候有啲咩要點可以留意，以確保揾到一個有操守，而且適合你嘅小朋友嘅老師啦！

三招助你尋找可靠私人補習老師：

1. 尋找有成功經驗/有聲譽嘅老師

喺揾補習老師嘅時候，家長不妨留意一下老師有冇相關補習經驗，又或者有冇成功嘅經驗同其他家長嘅讚賞，呢啲經驗可以幫助家長喺開始上堂前先初步了解老師。

雖然補習係人夾人，先前成功嘅經驗並唔代表嗰個老師一定可以同你嘅小朋友夾得嚟。但係先了解咗老師嘅背景同佢嘅相關經驗，可以大大增加揾到適合嘅老師嘅機會；而如果老師係有好嘅聲譽，咁嗰個老師係害群之馬嘅機會亦都會較細。

可先了解一下老師嘅經驗同聲譽

2. 觀察與溝通

其次，我哋會建議家長如果有時間嘅話，請盡量喺頭幾堂都在場觀察一下。因為頭幾堂嘅補習通常都仲喺了解同埋試驗嘅階段，家長除咗可以睇到老師同小朋友夾唔夾，佢嘅教學方式又係唔係適合小朋友之外，仲可以觀察一下補習老師嘅言行舉止，留意一下老師有冇啲咩奇怪嘅行為，同埋睇下老師係咪一個值得信任嘅人，咁可以初步斷定到底可唔可以俾呢一位老師繼續補習。

家長一開始可以先觀察幾堂

萬一，家長真係冇時間睇堂，我哋都建議家長喺落堂之後，同老師以及小朋友都進行溝通。因為溝通係另一個最直接嘅方式去了解返上堂嘅情況，透過兩邊嘅溝通，可以有助家長去決定係咪可以選用該位老師繼續補習。

1. 透過同老師課後嘅溝通，可以了解：

老師上堂嘅時候教咗啲咩，
用咗啲咩方法去進行教學；

在落堂後需要同老師溝通跟進

2. 因為小朋友係親身接受補習服務，同小朋友溝通了解佢哋上課後感受，可以知道：

老師同小朋友夾唔夾，
教學嘅模式適唔適合，
以及最重要嘅一樣嘢：小朋友喺上該位補習老師嘅課堂嘅時候有冇任何唔舒服嘅感覺。

如果覺得唔啱嘅話就要換啦

3. 選用可靠及有信譽嘅補習中介公司

最後一點，就係家長可以考慮選用市面上可靠嘅補習中介公司為您哋去尋找補習老師。有信譽嘅補習中介公司可以幫助家長有效篩走服務久佳同有不良紀錄嘅老師，透過可靠嘅補習中介公司尋找補習老師就可以更有效咁揾到啱小朋友嘅補習老師喇！

而GETUTOR香港導師總會就係一間非常可靠嘅補習中介公司。GETUTOR香港導師總會有數千名活躍導師，經驗及相關資歷俱備，喺疫情期間為家長提供中小學幼稚園各科嘅上門、面授或線上補習服務，而且家長同學生仲係零中介費！GETUTOR有既定流程幫家長搜尋私人補習老師，更會按家長同小朋友需要幫助家長進行篩選，確保家長可以揾到合適嘅老師。心動不如行動，即刻按此開始尋找老師或者WhatsApp至+852 6308 0831同我哋嘅客戶服務專員聯絡啦！